O Equipo Roca da Garda Civil de Ourense no marco da “Operación Anelmiña” detiña onte, día 22 de xaneiro, a un veciño de 57 anos de idade de Castrelo do Miño como presunto autor de 2 delitos de roubo con forza (na mesma vivenda) o días 2 e 14 de outubro, onde se apoderou de xoias e diñeiro por valor de 1850 euros, segundo informa a Garda Civil.
O presunto autor é veciño das vítimas e accedía á vivenda polo tellado, retirando tellas e movendo o illante do falso teito. As xoias foron localizadas pola Garda Civil nun compravenda de ouro de Ourense.
O detido ten antecedentes por roubo e fora detido pola Garda Civil o pasado día 25 de setembro na “operación Stepasou” na que se lle imputaron 1 roubo nun establecemento comercial e tres roubos en grao de tentativa en Castrelo de Miño.
Durante esta mañá o detido foi posto ao dispor xudicial do Xulgado de Ribadavia e quedou en liberdade con cargos.