Dentro dos dispositivos operativos que realiza a Comandancia da Garda Civil de Ourense nas zonas de lecer da provincia para a prevención de comisión de ilícitos penais, o día 15 de decembro, efectivos da Compañía da Garda Civil da Rúa, en colaboración coa Unidade de Seguridade Cidadá (USECIC), da Patrulla de Servizo Fiscal e Fronteiras e do Servizo Cinolóxico, realizaban varias inspeccións na zona do Barco de Valdeorras.
Como resultado destas inspeccións, procedíase á detención dun veciño do Barco, de 54 anos de idade e nacionalidade española, como presunto autor dun delito contra tráfico de drogas e outro de tenencia ilícita de armas e munición.
O detido rexenta un local de lecer na localidade do Barco, no que a Garda Civil, tras realizar un rexistro, incautábase de 75 gramos de cocaína, 27 gramos de marihuana, un bolígrafo pistola e varios cartuchos de calibre 21 e 1.300 euros en efectivo. O caso está no Xulgado de Instrución un do Barco de Valdeorras.