Os mozos Diego Arias e Santiago González, ambos de Sober, veñen de abrir o prazo de inscrición no I Torneo de Catán de Sober, un xogo de estratexia que estrearán nas festas da capitalidade, os días 13 e 14 de setembro.
O obxectivo do xogo é construír pobos, cidades e camiños sobre un taboleiro que é distinto en cada partida, mentres se van acumulando varios tipos de cartas que fan posible realizar diferentes construcións coas que conseguir puntos. O primeiro xogador que chega aos dez puntos resulta o gañador.
Todos os semifinalistas e gañadores levarán premio patrocinado polo Concello de Sober.
A competición repetirase anualmente coincidindo coas Festas da capitalidade.
Inscrición gratuíta a través:
– Paxina web: https://torneocatansober.wixsite.com/home
– Correo: torneocatansober@gmail.com
– Instagram: @torneocatansober
En caso de ser menor de idade, prégase a autorización dun titor legal cubrindo un formulario que será facilitado pola organización. Pódese participar a partir dos dez anos.
