Con apenas dou días de diferenza a Tenda da Rita, un establecemento gourmet situado na zona vella do Barco, á beira do Porto da Barca, vén de sufrir dous roubos. Unha das cristaleiras do establecemento era forzada na madrugada do domingo (6 de abril) ao luns e o mesmo acontecía na noite deste martes a mércores. Entraban e saían por ese mesmo punto do local.
Malia que non houbo danos nin tampouco foi importante a cantidade de diñeiro en efectivo que roubaron, “sentimos gran preocupación ante o que está acontecendo”, comenta o responsable do establecemento. Esta é ademais a terceira vez no que vai de ano no que esta tenda rexistra roubos, o primeiro tiña lugar na noite de Reis.