Accidente mortal en San Cibrao das Viñas. No mediodía deste martes 19 de maio falecía un operario tras caerlle unha árbore enriba, tal como informan dende a central de emerxencias do 112 Galicia que recibía a chamada de alerta dun particular ás 14:40 horas, informando dun grave accidente laboral na zona de Rante.
“Segundo indicaba o particular, a un traballador caéralle unha árbore enriba mentres realizaban labores de talla e, malia que o home xa estaba liberado, atopábase inconsciente e precisaba asistencia sanitaria urxente”, explican desde a sala de operacións dende onde informaban ao Servizo de Urxencias Sanitarias de Galicia-061, cuxos responsables decidiron enviar ao lugar o helicóptero medicalizado con base en Ourense. Tamén pasaban aviso ao GES do Pereiro de Aguiar e aos axentes da Garda Civil.
Con todo, “malia os esforzos realizados, os equipos de emerxencia só puideron confirmar o falecemento do traballador á súa chegada ao lugar do sinistro”, lamentan dende o 112..