Cunha vitoria pecha a tempada o valdeorrés Javier Doce Prada, do Club Águilas Verdes de Rubiá. Competía neste domingo 18 de outubro na XIX Carreira por Montaña Canón do Sil de Parada de Sil. En concreto tomaba a saída na proba de 7K, sendo o primeiro en finalizar o percorrido, cun rexistro de 00:40:43. Esta era ademais a sexta proba da Copa Xunta de Galicia.
Deste xeito, o corredor de Rubiá pecha “unha boa tempada con podios en Quiroga, A Rúa, Casaio, O Xurés e Parada de Sil”, tal e como el mesmo destaca.