A iniciativa da Deputación busca mostrar datos claros e estruturados en materia de xestión de residuos
A Deputación de Ourense vén de lanzar unha nova páxina web adicada exclusivamente ao servizo de recollida de lixo. O obxectivo é ofrecer ao cidadán información clara e estruturada dos diferentes datos en materia de xestión de residuos. A través de limpourense.depourense.es, mostrarase toda a información relativa a este servizo en calquera dos concellos da provincia adheridos aos convenios entre administracións.
A iniciativa foi presentada no Pazo Provincial da man do deputado provincial de Cooperación, Pablo Pérez, xunto co xefe de sección de Residuos e Enerxía da Deputación, Miguel Reza.