Na reunión a directora xeral de Conservación da Natureza presentáballes o anteproxecto da Lei de Protección de Animais
O anteproxecto da Lei de Protección de Animais, que foi aprobado a pasada semana polo Consello da Xunta e que na actualidade se atopa en fase de información pública, poñíase sobre a mesa na reunión que mantiñan na mañá do 7 de marzo varios membros do Consello Galego de Colexios de Veterinarios coa directora xeral de Conservación da Natureza, Ana María Díaz López.
Ademais a Díaz López resaltaba a importancia do novo Comité Consultivo para a protección animal, no que estará garantida a presenza e participación dos colexios de veterinarios da Comunidade.