Xosé Miguel Pérez Blecua, alcalde de San Xoán de Río, vén de colocar ao seu municipio no centro da innovación global ao recibir hoxe en Sevilla o prestixioso galardón Top100 Líderes Innovadores, no marco do Congreso Internacional de Startups.
“Estar aquí non é só recibir un premio, é demostrar que dende un lugar pequeno tamén se pode falar de futuro e innovación”, destacaba este rexedor, lembrando que o recoñecemento reflicte o traballo constante de todos os que empuxan e creen en proxectos transformadores.
O galardón simboliza que a innovación non entende de tamaño de municipios. Para Pérez Blecua, os logros nacen do día a día, da constancia e do talento local que conecta co mundo.
Ademais, o alcalde aproveitou a ocasión para agradecer á Diputación de Sevilla polo trato recibido e a todas as persoas que forman parte do camiño, lembrando que detrás de cada premio están as persoas que cren, sosteñen e empuxan ideas.
Este recoñecemento reforza “a aposta de San Xoán de Río por proxectos de dinamización tecnolóxica e social, que poñen á provincia de Ourense no mapa da innovación e mostran que os pequenos municipios poden participar activamente en iniciativas globais”, asegura Pérez Blecua.
Fotos cedidas.