A conselleira de Vivenda e Planificación de Infraestruturas, María Martínez Allegue, mantiña hoxe unha reunión de traballo co alcalde do Concello de San Xoán de Río, Xosé Miguel Pérez Blecua.
Na xuntanza á que tamén asistiu a directora territorial da Consellería en Ourense, Pilar Fernández León, a conselleira e o rexedor abordaron posibles vías de colaboración, no marco da aposta da Xunta para cooperar cos pequenos concellos con actuacións para fixar poboación e mellorar a calidade de vida da veciñanza.
