Entre os meses de xaneiro e marzo se desenvolve na Estación de Montaña Manzaneda, unha nova edición do programa EsquiOU, unha iniciativa destinada a promover o contacto dos máis pequenos co deporte da neve e coa práctica do esquí nun contorno seguro, formativo e inclusivo.
Esta edición ofrece 1.050 prazas para nenos e nenas nados entre o 1 de xaneiro de 2014 e o 31 de decembro de 2017, repartidas en 10 quendas de tres días e dúas noites. Na xornada deste luns 23 de febreiro o alumnado do CEIP Xosé Manuel Folla Respino de Vilamartín de Valdeorras comezaba a súa estadía.
A programación diaria combina clases de esquí, actividades deportivas en pavillón, tempo de descanso e tempo libre supervisado, así como unha velada nocturna ou disco infantil. En caso de que as condicións climatolóxicas non permitan a práctica do esquí con seguridade, a actividade adaptarase a un programa alternativo de multiaventura, tiro con arco, rocódromo e pre‐esquí, garantindo sempre o máximo aproveitamento da experiencia.
Fotos cedidas.