Esta fin de semana os concellos de O Barco de Valdeorras e Ordes darán acollida ós Campionatos Xunta de Galicia de lanzamentos longos Sub16, Sub18 e Sub20 onde tomarán parte un cento de lanzadores, tal e como informa a Federación Galega de Atletismo.
No caso do Barco a cita será o 9 de febreiro nas pistas de Calabagueiros, onde se medirán os atletas Sub16. O cartel desta proba réndelle ademais homenaxe ao lanzador de xavelina vilamartinés Luis Nogueira, falecido hai uns anos.
Ademais neste mesmo cartel recóllese a proba absoluta e Sub23, tamén de lanzamentos longos, prevista para o 15 de febreiro no Barco.