O artista local inaugura o xoves unha selección de pinturas que plasman o patrimonio da Ribeira Sacra
O Centro do Viño de Monforte de Lemos acollerá a partires do vindeiro xoves ás 20h unha nova exposición do artista local Guillermo López Mao. Trátase dunha mostra de pintura que recolle as mellores perspectivas das vistas que ofrece a Ribeira Sacra.
Baixo o título “Paisaxes Sacras”, o pintor monfortino trata de recoller elementos desta paraxe natural a través de paisaxes expresionistas, imaxes que derivan na abstracción e retratos pop-art.