ConcellosQuirogaÚltima hora

O equipo de goberno do Concello de Quiroga reúnese cos alcaldes de barrio

 

Na mediodía de onte celebrábase a comida que os alcaldes de barrio de Quiroga realizan co equipo de goberno municipal. Trátase dunha xuntanza anual que, ademais de celebración destas festas, serve de reunión de traballo posto que cada pedáneo traslada as suxerencias ou necesidades máis inmediatas que ten o núcleo ao que representa.

O alcalde de Quiroga, Julio Álvarez, aproveitou a xuntanza, unha das máis numerosas posto que participaron máis de medio cento de alcaldes de barrio, para agradecerlles a todos eles o traballo que realizan e o formar parte do seu equipo durante estes 36 anos que leva ao fronte do goberno quirogués.

O rexedor local quixo recalcar que todos eles forman parte de Quiroga e do seu goberno : “Quiroga non é só unha parte da rúa Real, dende o Bar As Palmeras ata o Bar Zorro, Quiroga son todos e cada un dos 121 pobos e algún deles está situado a máis de 20km da vila”.

Está será a última comida con alcaldes de barrio que presida Julio Álvarez, posto que non se presenta ás eleccións municipais, polo que quixo pedir desculpas si nalgún momento non se puido cumprir ou atender o 100% das peticións dos pedáneos, pero comprometeuse a tentar cumprir as deste ano igual que se tentou nos anos anteriores. Por iso expresou tamén o seu desexo de que o novo equipo que colla as rendas do municipio continúe na liña de “coidar e atender a Quiroga, unha Quiroga que está formada por todos os seus pobos”.

O rexedor rematou dando as grazas a todos os pedáneos por colaborar cun equipo que tivo “a honra de presidir durante 36 anos e que sempre defendeu a Quiroga, que é o máis importante”.

Artigos relacionados

Back to top button