O escritor Carlos Vila Sexto presenta en Ourense a súa última novela, “O enigma de Caronte”

O escritor e guionista coruñés Carlos Vila Sexto presenta este venres no Concello de Ourense o seu último traballo, “O enigma de Caronte”. O evento terá lugar no Liceo da cidade ás 20.00 horas.

“O enigma de Caronte” é unha novela de intriga e misterio que vén a dar continuidade á traxectoria de Vila, coñecido pola súa participación nos guións de series de televisión como “Los Misterios de Laura”, emitida en Televisión Española, ou “El incidente”, de Antena 3.

Nado en A Coruña en 1977, a súa vida familiar está moi vencellada á cidade de Ourense, xa que nela pasou os seus anos de infancia e adolescencia. A súa primeira obra foi publicada con só 14 anos e son varios os recoñecementos que atesoura no eido literario.