Entre os grupos participantes no que será a segunda edición do Desfile de Caretos e Mascarados que se celebrará o vindeiro 18 de xaneiro en Arcas (Macedo de Cavaleiros, Portugal) estará o Fulión e os Boteiros de Viana do Bolo. Este desfile comezará as 15:30h. (hora portuguesa) e forma parte do programa da celebración da Galhofa, que se desenvolverán, con múltiples actividades na fin de semana do 18 e 19 de xaneiro.
Neste encontro participarán ata 25 mascaradas de inverno de diferentes puntos de Portugal e tamén de España. Así poderá verse, ademais de ao fulión vianés, ao Chocalheiro de Bemposta, aos Gaiteiros de Bemposta, ao Chocalheiro e Velhos de Bruço, ao Careto e Velha de Valverde, ao Mascarão e Mascarinha de Vilarinho dos Galegos, Farandulo de Tó, Velho de Vale do Porco, Velho e Galdrapa, Velha a Bailadeira e Bailador, Caretos de Lazarim, Caretos de Salsas, Caretos de Torre Dona Chama, Diabo, Morte e Censura; Caretos de Lagoa de Mira, Bombos Vildemoinhos, Botarga de Cabanillas, Olaztiko Ihoteak, Sidros e Comedies, Corrida Entrudo de Xisto, Cardadores de Vale de Ilhavo, Caretos de Arcas, Caretos de Grijo, Tocabombar e Entrudo de Constantim.
