Cunha axustada vitoria en casa comezaba o Pizarras Tres Cuñados FS o novo ano. Na tarde deste sábado 10 de xaneiro, tralo parón de Nadal, o conxunto branco que remataba o ano no terceiro posto da clasificación tralas dúas últimas derrotas, enfrontábase no pavillón municipal de Calabagueiros, no Barco de Valdeorras, ao Academia Futsal Ourense que o facía na parte baixa da clasificación.
Os locais por recuperar o liderato e os visitantes por afastarse da zona de descenso, protagonizaban un intenso e igualado partido que, tras o dominio valdeorrés especialmente na primeira parte, resolvíase cun axustado 4-3, cos goles de Diego, Juanma que marcaba en dúas ocasións e Hamza.
Con esta vitoria o Pizarras Tres Cuñados remata a primeira volta da liga na Preferente Futgal F.S. con dez partidos ganados, dous empatados e dous perdidos.
Fotos: Mónica G. Bellver.