A cifra de casos de coronavirus en Galicia ascende a 4.379, segundo a última actualización da Dirección Xeral de Saúde Pública da Consellería de Sanidade. Dese total, 954 son da área da Coruña, 520 da de Lugo, 660 da de Ourense (son 101 máis que onte), 393 da de Pontevedra, 1.018 da área de Vigo, 591 da de Santiago, e 243 da de Ferrol.
Do conxunto de pacientes positivos, 165 permanecen en UCI, 819 están en unidades de hospitalización e 3.395 no domicilio. Polo de agora, en Galicia rexistráronse 333 altas de pacientes e 130 falecementos.
O número de PCR realizadas é de 21.360.
