O Concello de Parada de Sil continúa desenvolvendo un proxecto iniciado o ano pasado no depósito de abastecemento do municipio, que consiste en dixitalizar todos os depósitos para minimizar a perda de auga, cada vez máis escasa.
Este ano tocoulle ó depósito de Sacardebois que abastece a toda a Ribeira, con máis dez núcleos de poboación, onde ademais está o importante centro turístico A Fábrica da Luz, e zona na que se están a desenvolver importantes proxectos de aloxamento turístico, tanto na parroquia de Sacardebois como na de Chandrexa.
Esta obra levouse acabo cunha subvención de Augas de Galicia por un importe de 42.090 euros e ven de rematar neste mes de marzo.
O alcalde Aquilino Domínguez, continúa co compromiso de mellorar o subministro de auga a todo o concello e anuncia que en poucos día procederase á contratación da mellora do abastecemento de Paradellas que subministra auga a todas as aldeas do que se coñece como “a montaña”, dan do por rematada esta importante tarefa que repercute na vida diaria da veciñanza.