O Concello de Quiroga vén poñer en marcha a organización para celebrar a XLIII Feira do Viño de Quiroga, que se celebra o 19 e 20 de abril. Nunha primeira xuntanza entre adegueiros da subzona Quiroga Bibei e o alcalde de Quiroga, José Luis Rivera, falouse daqueles aspectos mellorables sobre todo en infraestruturas.
As peticións trasladadas polos adegueiros van encamiñadas a temas como a capacidade das casetas, a súa seguridade, a recollida do vidro ou a posibilidade de trasladar a entrega de medallas ás adegas participantes ao recinto feiral.
A comisión organizadora que se encarga de estruturar todas as actividades e o desenvolvemento da cita anual máis importante do concello de Quiroga, estudará agora as peticións dos adegueiros e tentará, na medida do posible, incorporalas nesta edición.