O alcalde de Ourense, Jesús Vázquez, e a directora xeral de Patrimonio Cultural da Xunta, Mari Carmen Martínez Insua, visitaron hoxe, 25 de agosto, a Catedral de Ourense, para comprobar o resultado dos traballos de restauración da Porta Norte, realizados pola Consellería de Cultura, Eduación e Ordenación Universitaria, que acaban de rematar.
O rexedor municipal salientou o “vistoso resultado” da restauración realizada nesta porta do edificio catedralicio que incluiu intervencións sobre os parámetros pétreos, o rosetón e a propia porta de acceso ao cruceiro.
Pola súa banda, a directora xeral de Patrimonio Cultural, coincidíu con Vázquez en que esta intervención quedou “moi ben” e salientou que por parte do seu departamento vaise seguir actuando para pór en valor esta “xoia do patrimonio galego”.