“Estamos na área de Valdeorras reivindicando este hospital que o PP quere converter nun mero centro de saúde, xa o leva intentando varios anos e grazas a veciñanza que sempre estivo aí defendendo non se conseguiu”, dicía en rolda de prensa Secundino Fernández, número catro da candidatura do BNG por Ourense tras a concentración celebrada na tarde do 7 de febreiro no Barco. Asistía ao acto xunto a outros representantes do BNG en Valdeorras, a un deputado provincial desta formación, así como ao número 8 da lista, Vilasánchez.
“Agora a veciñanza debe ter en conta que o día 18 de febreiro unhas eleccións e unha posibilidade de cambiar este goberno do PP, que o único que fai é maltratar á sanidade pública, que é unha das bases máis importantes que pode ter a nosa sociedade, e que a quere privatizar”, aseguraba Secundino Fernández.
Así mesmo, o candidato nacionalista sinalaba que “dende o BNG estamos tratando de loitar contra isto e no noso programa Ourense Vivo levamos un plan de rescate da sanidade pública, con novas especialidades para o noso hospital e tamén de rescate da primaria”, concluía, pedindo ademais a construción do novo Centro de Saúde da Rúa.
Fotos: Carlos G. Hervella.
