Na mañá deste sábado 27 de setembro unha persoa tiña que ser excarcerada tras unha saída de vía en Calvos de Randín, tal como informan dende o 112 Galicia.
O accidente tiña lugar arredor das 10horas cando, segundo lle indicou un particular ao 112 Galicia “un coche sufrira unha saída de vía no quilómetro 17 da OU-1112, ao seu paso pola parroquia de Lobás”. Ademais, “un dos ocupantes non era capaz de saír do interior do vehículo”, puntualizaban.
Con esta información desde a Sala de Operacións do 112 Galicia daban aviso ao Servizo de Urxencias Sanitarias de Galicia-061, que mobilizabao helicóptero con base en Ourense ata o punto, aos Bombeiros de Xinzo de Limia, á Garda Civil de Tráfico e á Agrupación de Voluntarios de Protección Civil de Calvos de Randín.
“A dotación de bombeiros precisou usar o material de excarceración para liberar á vítima, a cal sería evacuada en helicóptero”, explican dende o 112, indicando que o outro ocupante do turismo, o condutor, “resultou ileso”.