Santa Leonor, o Pazo do Marqués, a Ponte Bibei, os pazos, a fábrica de chocolate… Son só algúns dos lugares de referencia que se inclúen nos novos trípticos turísticos que vén de realizar o Concello da Pobra de Trives para “dar a coñecer os lugares máis senlleiros do municipio”, segundo se indica dende esta administración local.
Por unha banda, “trátase dunha actualización do rueiro acompañado con lendas e explicacións sobre os monumentos e edificacións civís e relixiosas que se atopan no casco da vila e tamén os que están fóra do perímetro urbano”, indican dende o Concello. Ademais apórtase información sobre actividades a desenvolver, eventos de interese turístico e festivo e enuméranse rutas de sendeirismo.
Hai ademais unha segunda guía titulada “Sendeiros da Pobra de Trives” que recompila os distintos roteiros da zona que permiten descubrir a paisaxe trivesa e admirar a súa riqueza natural, pero tamén levar a cabo actividades deportivas.
“Deste volta proporcionase información detallada sobre a Ruta de Sobrado, a Ruta da Via Nova, a Ruta dos Sequeiros e o
Barranco do Navea”, tal e como se informa dende o Concello de Trives.
