Arredor das 19h. desta tarde de 15 de decembro varios xabaríns que cruzaban a estrada N-120, na zona coñecida como a recta de Vilamartín de Valdeorras, producían un accidente de tráfico ao impactar contra un vehículo que circulaba por esta vía. O coche que ía detrás conseguía librarse ao lograr esquivar os animais.
Ata o lugar desprazábase de inmediato a Garda Civil de Tráfico. No sinistro non houbo que lamentar danos persoais.
