A veciñanza de Parada de Sil respostaba á iniciativa que puxeron en marcha a Asociación Os Noviños do Sil e a Casa do Abuelo dunha maneira totalmente satisfactoria, a dicir das organizadoras Leticia Rodríguez e Yolanda García, das respectivas asociacións.
Púxose en marcha a recollida o sábado e neste martes, 5 de novembro, mandouse nunha camioneta de productos empacados en 50 caixas. Nelas había produtos para a hixiene persoal, cueiros, cepillos de dentes, mecheiros, candeas, auga, leite, lentellas ou conservas.
Nesta recolecta solidaria colaboraban case todos os negocios en Parada e salientablemente dos pobos de Sacardebois, Parada, Caxide e Verengo así como algún veciño do pobo de Calvelo, que non pertence a Parada de Sil.
Os produtos foron entregados no Concello de Montederramo que os fará chegar mañá aos afectados pola DANA nun tráiler que sae do polígono en Ourense.
Fotos cedidas.
