Con fonda tristura Viana do Bolo despide a un veciño moi querido, Juan Domínguez Rodríguez, que falecía a pasada fin de semana de forma repentina. Deste vianés, que traballou moitos anos na gasolineira da vila, os seus amigos destacan a súa bondade e o seu bo humor. Era unha persoa namorada da súa vila e que sempre participaba nas actividades que se facían, entre elas as deportivas, e, por suposto, no Entroido.
