O día 21 impartirase un obradoiro titulado “Gran xogo interactivo sobre as Letras Galegas” a cargo de Eduvía
Cun obradoiro dirixido a nenos de 4 a 16 anos celebrarase o Día Mundial da Poesía en Quiroga o vindeiro 21 de marzo. Trátase do “Gran xogo interactivo sobre as Letras Galegas”, a cargo de Eduvía. A actividade, programada polo Concello de Quiroga a través da Biblioteca Pública Municipal, comezará ás 18h. na Casa da Cultura.
Este obradoiro enmárcase no programa de animación á lectura “Ler Conta Moito” da Secretaría Xeral de Cultura, que “promove esta iniciativa para avanzar na creación e consolidación dos hábitos de lectura, así como no impulso da biblioteca como espazo para medrar, continuar formándonos e informándonos”, tal e como se indica dende o Concello de Quiroga.