Avanzada a segunda parte pero antes de tempo remataba o partido entre o CD Córgomo Vilamartín e o Parada do Sil de segunda Galicia disputado na tarde deste sábado 13 de abril no Campiño de Viloira (O Barco).
O equipo visitante presentábase ao partido con 10 xogadores e sen apenas opcións sendo os de David Pérez os que anotaban ata o 7-0. Na segunda parte do encontro lesionábanse tres dos dez xogadores do Parada co cal o árbitro daba por suspendido o encontro antes do tempo reglamentario.
Con este resultado os valdeorreses suman tres puntos máis na loita polo ascenso. O seguinte partido será no campo de Vista Hermosa contra o CSD Paderne.
Fotos: Mónica G. Bellver excepto a primeira da galería que é de Torfy (CD Córgomo Vilamartín).
