Dous novos cribados poboacionais de Covid veñen de anunciarse dende a Área Sanitaria de Ourense, Verín e O Barco. Un deles está previsto para o vindeiro martes 16 de febreiro na vila de Trives. Neste cribado serán convocados unhas 800 persoas dos concellos de Trives, Manzaneda e San Xoan de Río.
Como poboación diana ten a persoas de entre 18 e 75 anos. Serán convocadas por vía SMS 800 usuarios para mostraxe por PCR. O cribado desenvolverase en Pobra de Trives, no seu pavillón municipal. Contarase coa “axuda na organización de Protección Civil para manter o orde e medidas de seguridade”, segundo sinala o Concello da Pobra de Trives.
Ademais o vindeiro mércores 17 de febreiro está previsto outro cribado poboacional do concello de Taboadela de persoas entre 18 e 75 anos. Convocarase a 500 persoas para PCR, segundo se adianta dende a Área Sanitaria de Ourense, Verín e O Barco.
