A apertura oficial das festas do Cristo 2015 no Barco é cuestión de horas. O historiador barquense Ricardo Gurriarán abrirá o programa desta celebración coa lectura do pregón o xoves 10 de setembro a partires das 21h. na praza Maior da vila. O palco que servirá de escenario para este acto estaba xa montándose. A partir de aí despregarase un programa cheo de actos relixiosos, musicais, teatrais, deportivos e lúdicos.