Unha semana despois de participar na liga nacional de karate en Alicante, onde lograba un meritorio 5º posto; e tras colaborar coa Federación Galega como membro do staff no campionato galego infantil celebrado este sábado en Santiago, Lucía Herrero Valcarce daba un paso máis cara o seu obxectivo: o nacional sénior.
A karateca valdeorresa, membro KC River Stone, é unha das 12 deportistas seleccionadas para participar no campionato de España sénior que se celebrará do 25 e 27 deste mes de marzo en Logroño. Lucía competirá na modalidade de kumite/ equipo e individual -50kg.