Coma nos vellos tempos. Multitudinaria resultaba novamente a celebración do Xoves de Comadres en Verín, na noite do 16 de febreiro.
Tras as tradicionais ceas das comadres nos restaurantes da vila, amenizadas polas charangas Mil9, Nova Trives, El Tattoo e Los Támega, as mulleres (e homes disfrazados de mulleres) dirixíanse á Casa de Escudo, no barrio de San Lázaro. Alí a Raíña do Entroido recibía á comitiva encabezada por Don Carnal para de seguido, tralo saúdo, comezar o desfile ata a praza García Barbón con animación a cargo das Disco Móbiles Enjoy e A Gramola. Una vez na praza, os centos de asistentes continuaban a festa con baile a cargo da Orquestra Marbella.
Fotos: Carlos G. Hervella.