O programa da competición nacional de descenso de augas bravas que nesta fin de semana se desenvolve en Valdeorras iniciábase ás 15h. deste 11 de maio coa primeira manga da Copa de España sprint (velocidade) individual, cuxo percorrido, duns 300 m, está nas proximidades da pasarela do Salgueiral do Barco. O comezo da segunda manga estaba previsto para as 17h. Conta cun percorrido novidoso con respecto a anteriores edicións, onde acostumaba situarse en Éntoma.
Xa o domingo ás 10h. darase paso á Copa clásica (de resistencia) individual ás 10h. e ás 11:30h. disputarase o Campionato de España de patrullas clásica. En ambos casos a saída darase á altura das piscinas descubertas do Barco e a meta fixarase no antigo campo de fútbol de Arcos (Vilamartín de Valdeorras).
En total estímase que os padexeiros de 18 clubs, tanto galegos (cunha representación do Club Fluvial Barco) como doutros puntos de España, participarán nesta competición que patrocina Iberdrola e que é puntuable para o mundial de augas bravas, previsto para agosto en Sabero (León).
Fotos: A.R.
