A galleta solidaria contra o cancro infantil volve á rúa do Paseo de Ourense co fin de recadar fondos para a investigación desta enfermidade nos máis pequenos. Como novidade este ano, a organización cambia o día da venda solidaria, pasando de sábado a mércores, pero conservando a mesma localización, na esquina do Paseo con rúa Concordia. Trátase dunha iniciativa xa consolidada e coñecida por moitos ourensáns que acoden a comprala para colaborar con esta causa.
Algo máis de 4.500 galletas poranse á venda, procedentes de 11 pastelerías de Ourense cidade e provincia, aínda que é certo que a maioría das pastelerías xa comezaron a ofrecelas estes días nos seus locais, con gran éxito de acollida un ano máis.
As seis edicións anteriores da galleta solidaria (interrompida en 2020 pola pandemia) lograron recadar un total de 29.599 euros, cantidade destinada integramente á investigación do cancro infantil a través da doazón que a Asociación Provincial de Pasteleiro e Confiteros de Ourense realiza á Asociación Española Contra o Cancro de Ourense.
Las once pastelerías que elaboran las galletas las donan desinteresadamente son Anduriña, Arva, El Couto, Milhojas, Miguel, Osi Gourmet e San Yago en Ourense cidade, e dende outros puntos da provincia: Cerviño de Carballiño, Doña Bica en Verín, San Diego de Amoeiro, e Santa Rita en Arnoia.