Logo de sete etapas, a primeira das cales iniciaban en xaneiro, o Club Peña Trevinca Barco completaba na xornada do sábado 6 de xullo o “Camiño do Monxe”, un sendeiro de gran percorrido que transita por algunhas das paisaxes máis fermosas da Ribeira Sacra.
A derradeira etapa desta ruta, cuns 19 km entre Montederramo e Castro Caldelas, non presentaba complicacións, pero estivo “pasada por auga”. Ao finalizar os camiñantes desfrutaban de carne á brasa, empanada e tortillas. O presidente do Club Peña Trevinca Barco, Miguel de la Cal, entregáballe un pequeno agasallo a Javier Pinto, en nome de todos os participantes. Javier, que foi un dos promotores deste camiño, exercía ademais de guía do club ao longo do traxecto polo mesmo.
Fotos: Club Peña Trevinca Barco.
