A Banda de Gaitas Nova Era de Verín vén de presentar en Youtube o trailer do seu documental “oriXes: Dez anos de Nova Era”, que se estreará o vindeiro 30 de agosto no marco do Festival Internacional de Curtas (FIC) Vía XIV de Verín.
Este filme, producido pola Asociación Cultural de Música Tradicional de Monterrei e a Banda de Gaitas Nova Era, achega ao longo de máis dunha hora a historia da primeira década da Banda de Gaitas Nova Era, dende a perspectiva de máis de 40 integrantes, artistas e amigos que contan dende o seu punto de vista os recordos e vivencias construídos durante este tempo.