O novo grupo musical “The Green Angels” vén de estrearse nos escenarios o 14 de agosto con gran éxito na Rúa, cun concerto no Bravolux. Formado por Dani, Manuel, Kevin, Bogdan e Joaquín, todos menores de 18 anos, este quinteto cativaba a un público que se rendía ante o seu talento e enerxía.
Orixinarios de Valdeorras, estes novos artistas demostraron que a música non ten idade. Cun repertorio que combina versións de éxitos populares e composicións orixinais, “The Green Angels” soubo conectar coa súa audiencia no seu directo.
Esta noite, o grupo presentarase na Praza César Conti da Rúa, ás 23:00h onde esperan repetir o éxito da súa estrea.
Fotos cedidas.