Xa ten data a sétima edición da Carreira e Andaina das Cidades contra o cancro de páncreas de Vilamartín, que promove Acapaval (Asociación contra o Cancro de Páncreas de Valdeorras). Tal e como figura no calendario de carreiras populares da Federación Galega de Atletismo, esta cita benéfica e deportiva está prevista para o domingo 27 de outubro en Vilamartín de Valdeorras. As súas inscricións non están abertas, polo de agora, na páxina web da federación.
