A Confederación Hidrográfica do Miño-Sil (CHMS) vén de organizar unha xornada de Educación Ambiental co alumnado de FP de Xestión Forestal e Do Medio Natural do IES Cidade de Antioquia, Xinzo de Limia na Reserva Natural Fluvial del Río Ribeira Grande (Vilariño de Conso- Ourense).
Esta actividade forma parte da programación de Educación Ambiental nas RNFs, que promove o MITECO, a través da CHMS, para dar a coñecer e resaltar o valor destas figuras de protección, fundamentais para preservar os tramos de ríos que se conservan moi naturais, entendendo que a declaración como RNF contribúe á conservación e mellora do estado ecolóxico do leito. Na demarcación do Miño Sil están declaradas 10 RNF, ademais de 2 Reservas Subterráneas e 1 Reserva Lacustre.
Tras as presentacións iniciais e a entrega de material (mochila, caderno de campo, gorro e botella de auga reutilizable), os 22 alumnos e 2 profesores encamiñáronse ao momento de encontro previsto.
Despois dun roteiro a pé de 1Km, percorreuse unha parte da Ruta das Troitas pola marxe esquerda do Rego da Ribeira Grande, ata chegar á zona da antiga piscifactoría de troitas. Durante o interesante traxecto fóronse identificando as distintas especies arbóreas e arbustivas do camiño, previo á explicación detallada do conxunto de actuacións que levaron a cabo dentro do Encargo de Reservas Naturais Fluviais con financiamento do MITECO entre 2020 e 2022, que consistiron na eliminación dun represa e a antiga piscifactoría de Ribeira Grande.
Un dos talleres consistiu nunha mesa de traballo de macroinvertebrados e análise fisicoquímica, onde os asistentes puideron comprobar a biodiversidade de larvas de insectos e as súas particularidades como bioindicadores do estado ecolóxico do río, así como realizar diferentes medidas de pH, temperatura ou osíxeno disolto na auga.
Noutro dos talleres aprenderon a diferenciar as diversas especies arbóreas e arbustivas da RNF, a través dun xogo de recoñecemento de tipos de follas. Ademais, incidiuse na importancia da vexetación de ribeira, as súas funcións e o seu bo funcionamento como protector da calidade da auga do río.
Como colofón a esta visita e despois da comida, deuse conta das actuacións de Restauración Hidrolóxico-Forestal que levaron a cabo por parte da CHMS en 2022 tras o devastador incendio que afectou a gran parte do Parque Natural do Invernadoiro e en concreto á cabeceira da RNF Ribeira Grande.