Os vindeiros 15 e 16 de febreiro o Club de Montañismo Montañas de Trevinca organizará as Xornadas de Montañismo Invernal-nivel I. “Cremos que estas xornadas son de sumo interese para tódolos/as practicantes do montañismo de neve/xeo, ao aportarlles a seguridade que se obtén co coñecemento dos diferentes tipos de materiais e as técnicas correspondentes de ascenso, descenso e seguridade a empregar na montaña invernal, deste xeito, se poden reducir e minimizar os perigos e dificultades propios deste tipo de terreos”, explican os organizadores.
| SÁBADO, 15 |
|
| 08:00 h | Saída dende a aldea de Vilanova de Trevinca a zona de prácticas. |
| 10:30 h | Prácticas (Análise da neve en pendentes – Técnicas de progresión sen e con crampóns). |
| 14:00 h | Comida na montaña. |
| 14:30 h | Continuación das prácticas (Progresión sobre a neve con piolet – Prácticas de autodetención, sen piolet e con piolet). |
| 17:00 h | Regreso a Vilanova e descanso. |
| 19:30 h | Clases teóricas (Encordamento: Nós e metodoloxía. Corda curta). |
| DOMINGO, 16 |
|
| 08:00 h | Saída dende o pobo de Vilanova de Trevinca a zona de prácticas. |
| 10:30 h | Zona de prácticas (Repaso das técnicas do día anterior – Encordamentos – Desprazamentos encordados en corda curta). |
| 14:00 h | Comida na montaña. |
| 14:30 h | Continuación das prácticas (Aseguramento dinámico – Progresión en pendentes máis inclinadas). |
| 16:30 h | Regreso a Vilanova e descanso. |
| 18:00 h | Aclaracións dos temas tratados. Clausura do Curso. |
| NOTA | Os horarios poden ser modificados co obxecto de conseguir os fins previstos no Curso. |