O Castelo do Bolo quedábase pequeno na tarde deste sábado 31 de maio para acoller o concerto do cantautor Carlos Domínguez, nado en Madrid pero de orixe bolesa. Con esta actuación, na que estaba acompañado de Antonio Pinto, pechaba unha xira moi especial do seu terceiro disco “Un Tiempo Mejor” e nun escenario especialmente significativo para el, no que, o pasado mes de agosto se convertía en pregoeiro da Feira Irmandiña do Bolo.
Agora, con este concerto, pechaba unha xira que comezaba en xuño do 2023 e na que levaba os temas do seu último disco por distintos lugares tanto de España como do Líbano. Era un acto moi emotivo e no que o cantautor se sentía moi arroupado.
Fotos e vídeos: Carlos G. Hervella.
