O XII Rally Terras do Incio, co que colaboran o Concello de Sober e o Concello do Incio, terá lugar entre o 18 e o 23 de xuño. O mércores 18 os amantes do motor participantes nesta iniciativa estarán en Sober a partir das 12:00 horas, mentres que o xoves 19 farán parada no Incio.
A cita, considerada un dos eventos máis relevantes do motor clásico, pretende dar a coñecer a Galicia máis descoñecida e pintoresca. Os participantes teñen ademais a oportunidade de degustar a rica e variada gastronomía galega.
No Rally está previsto que participen 25 exclusivos vehículos clásicos chegadas desde diferentes puntos de España, Portugal e Bélxica para percorrer as estradas do interior de Lugo ata acabar en Ribadeo o día 23.
Poderanse ver marcas de alto valor adquisitivo como Ferrari, Aston Martin, Jaguar, Porsche, Maserati ou Mercedes, entre outras.
En todos os puntos nos que fan parada os vehículos exhíbense para o deleite de todos os visitantes e veciños acaparando a atención de todos e todas.
