O delegado do Goberno en Galicia, Pedro Blanco, presidiu hoxe unha reunión de traballo e coordinación coas Subdelegacións nas provincias co obxectivo de reforzar a preparación e resposta ante situacións de emerxencia na comunidade.
Durante o encontro, revisáronse os protocolos de actuación conxunta e os mecanismos de activación de medios e recursos por parte do Estado.
Pedro Blanco puxo en valor a importancia dunha cooperación fluída entre institucións para garantir unha resposta rápida, eficaz e coordinada.
Na reunión participaron as subdelegadas na Coruña e Lugo, María Rivas e Isabel Rodríguez, e o subdelegado en Ourense, Eladio Santos, así como responsables dos servizos.