Con moita preocupación estanse a vivir estes momentos na localidade de Paradela (Manzaneda), ante a proximidade das chamas do incendio que se declaraba onte en Parafita, no veciño concello de Chandrexa de Queixa.
O lume está aproximándose a parte superior desta aldea, se ben, ata alí desprazábanse diversos medios para tentar evitar que entre nela. Ademais do persoal de brigadas de incendios, as forzas e corpos de seguridade (como a Garda Civil e o Seprona), hai tamén voluntarios de Protección Civil, así como veciños e o alcalde de Manzaneda, Amable Fernández. Todos moi pendentes da evolución das lapas.
Fotos e vídeo: Carlos G. Hervella.
