A Federación Galega de Atletismo (FGA) vén de informar da suspensión do Campionato de Galicia de Subida Vertical “O Sacauntos 20225”, que estaba previsto para o vindeiro 7 de setembro en Vilamartín de Valdeorras. “Por mor dos lumes que están a azoutar o sur de Galicia queda adiado xa que practicamente a totalidade do percorrido foi asolado polo lume. Desde a FGA consideramos prioritario estar da man da poboación para axudar nas labouras de extinción así como das distintas tarefas de axuda ós afectados”.
Igualmente, dende a FGA amósase “a nosa desolación pola gran perda de biodiversidade que os feitos recentes están a producir no noso territorio, expresando todo o noso apoio á poboación afectada. A actividade na natureza como o trailrunning, contribúe a manter camiños, recuperalos e contribuír a manter os nosos montes limpos, tanto de maleza como de residuos, xenerando un impacto positivo no noso ecosistema, ó tempo que pon en valor a poboación e vida do medio rural, montes e montañas”.
Campionato Xunta de Galicia de Carreiras de Montaña – TR en Folgoso do Courel
Tamén informa a FGA de que o 31 de agosto desputarase segundo o previsto, o Campionato Xunta de Galicia de Carreiras de Montaña – Trailrunning en Folgoso do Courel, “sendo unha gran oportunidade de amosar o noso apoio a toda a riqueza que os montes e as nosas montañas nos aportan”.