Cada ano a Asociación Cultural Abertal conmemora o Día das Letras, como unha das máximas representacións da cultura tradicional galega. Neste 2026 non foi unha excepción e na mañá deste domingo 17 de maio, poñía son e ritmo á xornada.
Pasadas as 12 horas, a Banda de Gaitas entraba tocando na praza do Concello da Rúa, seguida dunha boa representación da Escola de Gaitas e Baile Tradicional, para render a súa particular homenaxe á lingua galega. Primeiro facían unha introdución sobre a vida e obra da homenaxeada deste ano, Begoña Caamaño; e de seguido sucedíanse as actuacións dos grupos de baile e pandereteiras comezando polos máis pequeniños (algúns actuaban por primeira vez), continuano cos medianos (adolescentes) e rematando cos maiores, sendo a banda de gaitas quen pechaba o acto con catro pezas.
Nunha soleada mañá, A Rúa celebraba así o día da lingua galega.
Fotos e vídeos: Mónica G. Bellver.