Un total de 3.123 gardas alumnos e alumnas en prácticas incorporaranse a partir de hoxe 29 de xuño a diferentes unidades territoriais de seguridade cidadá, iniciando así a segunda fase do seu período formativo. Esta cifra supón un aumento de 390 gardas respecto do ano anterior, no que se incorporaron 2.733.
Con motivo da época estival, o obxectivo é “priorizar a presenza destes gardas civís alumnos a unidades territoriais de seguridade cidadá en función das necesidades operativas, onde desenvolverán o seu período de prácticas de 40 semanas para completar a súa formación e adquirir a condición de gardas civís profesionais”, segundo informa a Garda Civil.
Á Comandancia de Ourense, incorpóranse 24 alumnos, que irán destinados a : 7 ao Posto do Barco de Valdeorras, 5 a Carballino, 5 a Verín, 3 a Ourense, 2 a Celanova e 2 a Xinzo de Limia.
Ademais, 874 deste alumnado complementará as súas prácticas realizando servizos en especialidades como Tráfico, ARS, Fiscal ou Marítimo.
Todo este alumnado procede das promocións 131ª da Academia de Gardas de Baeza e 172ª do Colexio de Gardas Novos de Valdemoro.
