A Xunta publica hoxe, no Portal de Contratos Públicos de Galicia, o expediente de licitación, por un importe de 328.830 euros, para a adquisición de dous arcos de radioloxía con destino ao Complexo Hospitalario Universitario de Ourense. Con este procedemento, distribuído en dous lotes, a Xunta renovará o equipamento do hospital ourensán.
Este equipamento permitirá incorporar técnicas como implantación de dispositivos cardíacos para a diagnose e tratamento das arritmias, a implantación de marcapasos temporais ou procedementos de cardioversión eléctrica, entre outros. Tamén optimizará procedementos como a colocación de drenaxes, próteses ou sondas, a colocación de stents en condutos biliares ou a extracción de cápsulas endoscópicas.
As empresas interesadas neste procedemento teñen de prazo ata o 10 de agosto para presentar as súas ofertas.