A LIX Baixada do Eume, celebrada na pasada fin de semana, en concreto o 15 de agosto en Pontedeume, reunía a 28 equipos, 157 embarcacións e 178 deportistas, que afrontaron os percorridos de sete e doce quilómetros polo río Eume. As saídas comezaron ás 17.30 horas desde diferentes puntos do trazado, coa liña de meta situada nas inmediacións do paseo marítimo de Pontedeume.
Na categoría sénior K1, o valdeorrés Jesús Rodríguez, do Club Fluvial O Barco, facíase novamente coa vitoria cun tempo de 42:08,00, por diante de Juan Vázquez, do Club Deportivo Náutico de Miño, segundo con 42:14,00, e de Miguel Ángel Pérez, do Club de Piragüismo Cambados, terceiro con 43:43,00.
Por equipos vencía o Club Náutico Firrete, con ata 1.043 puntos; mentres que en segunda posición quedaba o Club Cabanas KDM con 802 puntos, e na terceira o Club Confraría Pescadores Portonovo, con 581 puntos.